Nilulumot
mata ng isipan,
di matantsa ng paningin
malabong pagsinghap
ng mga pangarap;
sa abuhing kulay
ng kalangitan
bumahag ang pag-asa
sa dulo ng bahaghari,
sinalungang pagtitimpi
alimpuyong humaginit
ang talim ng kidlat,
urak ng pagkurap;
sibad ng sibat
sa tusong pagkindat
lantak sa himagas
ng tiyang binundat!
alulong-hinagpis,
bitukang nabuhol
naulol sa gutom,
ulaol ng busog
at tiyang masiba,
napanis na laway
sa kabag ng tuya,
'di marinig ng sikmura
pagsamo ng bulong
sa butas ng tumbong;
huwag magtakip ng ilong
'sing lansa ng dugo
tawag ng tagutom!
naipaliwanag ng maiigi ang dinadaanas ng isang tao pagnagugutom siya at pagnalipasan na. isa tong halimbawa na sumasalamin sa hirap na dinadanas ng mga PIlipino na nghihirap at walang makain dahil sa pagiging biktima ng kahirapan sa ating bansa
TumugonBurahin