Kikilos tayong iisa
sa garalgal na boses ng pagbabago
iisang tinig tayo;
bumulong man o sumigaw,
tumili ng impit o bahaw
madidikdik sa utak
didikit sa balat
sasaksak sa kaluluwa
ang atungal ng
mga pagtutol
ng pagkaulol;
sa naglalaway na pangil
na lumapa
sa leeg, sa dibdib
sa sikmura, sa hita,
sa mapintog
na nakaw na kita
nagmamantikang yaman
sa nilantakang kaban
silang iilan
na nagpasasa
nagpasarap
nagkamal
ng limpak-limpak
ay husto nang maatado
ng masang handa nang
maging matadero!
Isa po akong mag-aaral at bilang isang mag-aaral dapat po ay bukas ang pag-iisip sa nangyayari sa ating lipunan. Para po sa akin ay maganda po itong tula na ito dahil naaayon ito sa isyu sa ating lipunan. Ipinapahayag nito ang masidhing damdamin na tumututol sa pork barrel.
TumugonBurahin