Ang pagmamalaki ay laging taas-noo
sa lahi, sa bayan, sa kulay ng balat ko
dugong magigiting tapang ang silakbo
sigaw ng damdamin ay Nasyonalismo.
Pag-ibig sa bayan, duon nakaugat
hangaring mabago bansang hinahamak
tagal nang panahong gusto'y makakalag
tanikalang saklot, imbing paghihirap.
Katungkulan nating mga mamamayan
ugatin problema ng ating lipunan
nang maging bahagi nitong kamulatan
sa pagbabalikwas ng lahing marangal.
Mag-aral, mag-ugat, magwasto, matuto
makamasa't makabayang edukasyong siyentipiko
ang lunsaran nitong lahi na binansot ang talino
at patungo sa lipunang may dangal at makatao...!
10/26/2020
Walang komento:
Mag-post ng isang Komento