'Sing layo ng pagkatuto
ang aking pag-iral,
walang talamitang puso
ang virtual na paglagak
ng talino sa 'king utak.
Kinakapa ng daliri a
ang tiklado ng keypad
habang hinahanap
sa sikmura ng monitor
ang mukhang nilamon
ng pag-aatubili;
otorisadong tinig sa
aking pandinig
ang pumapatay sa dating
ingay ng klase;
pinipipi ng mute icon
ang aking kadaldalan,
wala nang halakhakan
wala nang malusog
na pagtatalamitan
parang hangin lang na dumaan
ang karunungan.
08/27/2020
Walang komento:
Mag-post ng isang Komento